અમેરિકામાં આશરે 50 કરોડ લોકોના સંવેદનશીલ સોશિયલ સિક્યુરિટી ડેટા લીક થયા હોવાની આશંકા વચ્ચે પ્રેસિડન્ટ ડોનાલ્ડ ટ્રમ્પનું અગાઉનું ‘ડિપાર્ટમેન્ટ ઓફ ગવર્નમેન્ટ એફિશિયન્સી’ (DOGE) તપાસના ઘેરાવામાં આવ્યું છે. આ ડિપાર્ટમેન્ટના પૂર્વ સર્વિસ એન્જિનિયરે નોકરી છોડ્યા પછી ગેરકાયદે આ સંવેદનશીલ ડેટા મેળવ્યો હતો અને ટ્રાન્સફર કરવાનો પ્રયાસ કર્યો હતો. એક વ્હિસલબ્લોઅર કરેલી ફરિયાદને આધારે આ મામલે તપાસ ચાલુ કરાઈ છે, એમ વોશિંગ્ટન પોસ્ટના એક અહેવાલમાં જણાવ્યું હતું.